அனுஷ்காவை சங்கடத்தில் ஆழ்த்திய கிசு கிசு

நடிகர் பிரபாஸ் - அனுஷ்கா காதலிப்பதாக பரவிய கிசுகிசுக்களே அடங்காத நிலையில், இப்பொழுது வேறு ஒருவருடன் அனுஷ்கா காதலில் விழுந்ததாக கிசுகிசு பரவி வருகிறது.

பாகுபலி பிரபலம் பிரபாசை அனுஷ்கா காதலிப்பதாக நீண்ட காலமாக செய்தி உலாவி வருகிறது. சமீபத்தில் நடந்த இயக்குனர், ராஜமவுலி மகன் திருமணத்தில் இருவரும் இணைந்து பங்கேற்றது இந்த கிசுகிசுவை வலுவாக மாற்றியது. ஆனால் அனுஸ்காவை அதிர்ச்சிக்குள்ளாக்கும் வகையில் மீண்டுமொரு கிசுகிசு கிளம்பியுள்ளது.

 அனுஷ்கா வெளிநாட்டு நபர் ஒருவருடன் கடற்கரையில் அமர்ந்து சிரித்து பேசிக்கொண்டிருப்பதுபோல் இருந்த புகைப்படம் பல்வேறு கிசுகிசுக்களை உருவாக்கி உள்ளது. 'இவர்தான் அனுஷ்காவின் புது காதலரா?' என்றும் பாய் பிரெண்ட்டுடன் அனுஷ்கா டேட்டிங் செய்கிறார் என்றும் வெவ்வேறு செய்திகள் தெலுங்கு மீடியாக்களில் வெளிவருகிறது.

ஆனால், ’அனுஷ்கா உடல் எடை குறைப்பதற்காக பயிற்சிகளை அளித்த உணவு ஆலோசக மருத்துவர்தான் அந்த புகைப்படத்தில் இருக்கும் நபர் என்றும், அவரது நிறுவனத்தை இந்தியாவிலும் பிரபலப்படுத்த விளம்பரதூதராக தானாக முன்வந்து அனுஷ்கா உதவி புரிந்துள்ளதாகவும், அதன் முதற்கட்டமாக எடுக்கப்பட்டதே அந்த புகைப்படம்' என விளக்கம் அளிக்கிறது நடிகையின் தரப்பு.