Breaking News

ஸ்ரீதேவியின் ஆசியுடன் துவங்கிய "தல 59"...! ரசிகர்கள் கொண்டாடும் அப்டேட்


விஸ்வாசம் திரைப்படத்தினை தொடர்ந்து அஜித் நடிக்க இருந்த 59வது திரைப்படத்தின் படப்பிடிப்புகள் பூஜையுடன் இன்று துவங்கியுள்ளது.

மறைந்த நடிகை ஸ்ரீதேவியின் கணவர் போனிகபூர் தயாரிப்பில், தீரன் அதிகாரம் ஒன்று வினோத் இயக்கத்தில், தனது 59வது திரைப்படத்தில் அஜித் நடிக்க இருப்பது குறித்த அதிகாரபூர்வ தகவல்கள் சில நாட்களுக்கு முன்னதாக வெளியாகி இருந்தது.

ஹிந்தியில் அமிதாப் பச்சன் நடிப்பில் உருவாகி இருந்த 'பிங்க்' திரைப்படத்தின் ரீமேக்காக உருவாக இருக்கும் இத்திரைப்படத்தின் பூஜை இன்று சென்னையில் நடைபெற்று இருக்கிறது.
பூஜையின் போது சாமி படங்களுடன், மறைந்த நடிகை ஸ்ரீதேவியின் படமும் இடம் பெற்று இருந்தஅந்த நிகழ்வின் புகைப்படங்கள் சமூக வலைத்தளங்களில் வெளியாகி ரசிகர்களுக்கு இன்ப அதிர்ச்சி அளித்துள்ளது.

கூடுதலாக இந்த திரைப்படத்தின் மூலம், நடிகை நஸ்ரியா தமிழ் சினிமாவுக்கு ரீஎன்ட்ரி கொடுக்க இருக்கும் தகவலும் ரசிகர்களை குஷிப்படுத்தி இருக்கிறது.